Ginahitso na ang pagrelease sang financial assistance sa mga vendors nga naapektuhan sang road clearing operation sa Bacolod.
Kahapon, nagpadulong sa estasyon sang Bombo Radyo ang mga sidewalk vendors agod magreklamo sa kadugayon sang releasing sang ginpromisa nga financial assistance.
Sa interview sang Bombo Radyo Bacolod kay Executive Assistant to the Mayor Ernie Pineda, ginatinguhaan na nga mapadasig ang pagpanagtag sang tag-5000 pesos nga financial assistance nga ginpaagi sa Department of Social Services and Development.
Sa kabug-usan, may yara sang 1,200 ka mga vendors nga apektado apang 700 pa lang ang nakapasa sang kompleto nga requirements kag subject for validation.
Suno kay Pineda, aprobado na ang pondo para sa financial assistance nga nagadangat sa 6 milyon pesos.
Ginalantaw suno sa iya nga matagtagan ang 700 ka mga vendors antes matapos ang bulan sang Disyembre kaag mangin second batch naman nabilin nga 500 nga ulihi nga nagproseso.
Sa karun, yara na sa City Engineer’s Office ang pagplano tuhoy sa renovation sang vendors plaza bangod may yara na ini sang pondo.
