Gin-aprubahan na sang Department of Budget and Management (DBM) ang pag-release sang P1 billion nga pondo sa Department of Public Works and Highways (DPWH) para sa rehabilitation sang mga infrastructures nga naguba bangud sa mga naglabay nga kalamidad sa Pilipinas.
Ginpangunahan ni Budget Secretary Amenah Pangandaman ang approval kasunod man sang paghingyo sang DPWH.
Suno sa DBM, ang paghimo sang Special Allotment Release Order (SARO) para sa nasambit nga tinutuyo ang gin-aprubahan sang Nobyemre 27, 2024 kag mangin epektibo tubtob sa Disyembre 31, 2025.
Suno sa budget department nga subong nga tuig, yara sa masobra P22 billion ang ginhatag para sa National Disaster Risk Reduction and Management Fund (NDRRMF).
Ginpang-release na ini sa mga natungdan nga national government agencies, kalakip na ang DPWH, Department of Social Welfare and Development, Department of Human Settlements and Urban Development, Department of National Defense, Department of Finance, Department of Agriculture, Department of Interior and Local Government,kag iban pa nga Government Owned and Controlled Corporations.
Ang NDRRMF ang mahimo gamiton para sa aid, relief, kag rehabilitation services sa mga apektado nga lugar kag pagpagpakay-o sang mga nagkalaguba nga mga balay kag pasilidad bangud sang kalamidad.
