Nagpasugot na ang tag-iya sang pribado nga duta sa kilid sang Bacolod Economic Highway nga rentahan ang iya duta agud nga magamit sang mga ambulant vendors.
Suno kay Sangguniang Panlungsod Committee on Market chairperson Councilor Celia Flor sa ulihi nila nga Committee Hearing kaupod si Councilor Vladimir Gonzales kag ang mga ambulant vendors naathag na nga wala pa matapos ang proyekto sang Department of Public Works and Highways (DPWH).
Suno kay Flor ang may jurisdiction diri ang DPWH pa kag indi pa makatandog ang City Engineers bangud wala pa naturn over sa ciudad.
Suno sa konsehal ang nakasugtan sa tunga sang mga ini kag ambulant vendors amo nga mahimo sila makabaligya apang indi magpasobra sa gutter kag sa dalan.
Suno diri, ang tag-iya sang duta ang luyag man magparenta apang wala pa sini naestorya ang mga vendors.
Sang tinalikdan nga committee hearing, ginpahayag sang mga vendors nga nagapasugot man ang mga ini nga magrenta agud nga makapadayon ang mga ini sa pagbaligya.
