Ginalauman ang pagroll-out sang National Food Authority (NFA) sang mas barato nga bugas sa masobra 50 ka mga local government units sa masunod nga semana suno sa Department of Agriculture.
Ini ang ginpahayag sang DA isa ka semana matapos nagdeklarar ang gobyerno sang isa ka food security emergency sa bugas bangud sa “extraordinary” nga pagsaka sag presyo sini.
Suno kay Agriculture Secretary Francisco Tiu, may documentation nga kinahanglan ini nga himuon sa tunga sang NFA padulong sa FTI (Food Terminal Incorporated) kag FTI padulong sa local government unit.
Diri sa Western Visayas, ang mga LGUs nga magabaton sini amu ang Iloilo City, Escalante City, Victorias City, Silay City, EB Magalona, Talisay City, Manapla, Cadiz City, Sagay City, Toboso, Calatrava, San Carlos City, Bacolod City, Valladolid, San Enrique, Pontevedra, Hinigaran, Binalbagan kag Himamaylan.
Sa idalum sang Republic Act No. 12078, isa ka amendment sa Rice Tariffication Law, sarang nga makadeklarar ang agriculture secretary sang isa ka food security emergency bilang sabat sa nagasaka nga presyo sang bugas.
