Ginpahayag sang anay konsehal kag abogado nga normal lamang ang mga sabtanay sa trial, samtang ang Impeachment trial ang indi dapat tuman ka estrikto nga kaangay na sa criminal ukon civil cases.
Sa interview sang Bombo Radyo Bacolod kay Atty Renecito Novero, may ara sang permissible apang may-ara man sang objectionable nga leading questions.
Suno diri ginapahanugutan ang leading questions, ukon mga pamangkot nga masabat lamang sang YES or NO sa cross examination, samtang ini ang wala naman ginapahanugutan sa masami sa direct examination.
Ang defense ukon prosecution counsel ang sarang naman nga makahimo sang objections kun may-ara sang leading questions ang kasumpong nga partido, kag ara na sa paghangop sang Presiding officer ang pagdesisyon kun i-over rule ukon isustain.
Kun ang ruling ang ‘over ruled,’ hinali nga ang defense lawyer ang nagapamangkot, ini ang dapat sabton sang witness, apang kun ‘sustained’ ang ruling, kinahanglan nga lainon sang depensa ang line of questioning.
Samtang wala naman ginapahanugutan sa ano man nga kahigayunan ang misleading question.
Aminado man si Novero nga kinahanglan nakahibalo sa layi ang preciding officer, rasun nga si Senator Chiz Escudero ang ginpili imbes nga si Senate President Win Gatchalian.
Ini bangod kinaghanglan nga nakahibalo sila sa husto nga paghatag sang rulings gikan sa mga objections sa prosekusyon kag depensa.
Natalupangdan naman ni Novero nga tuman ka estrikto ang rules sa impeachment trial batok kay Vice President Sara Duterte.
Pahanumdom sang abogado nga ang impeachment trial ang isa ka administrative proceedings, kag indi criminal ukon civil proceedings.
Gani ini kuntani mas mahalog ang regulasyon, apang sa baylo nakita sini nga ang gin-adoptar nga regulasyon ang ginsunod sa criminal kag civil proceedings.
Kun may ara naman sang makita nga makonsiderar nga contemptous behaviour gikan sa diin man nga partido, bisan diin sa mga Senador ang sarang makamosyon sang contempt order kag ini ang pagabotohan.
Ini bangod luwas sa presiding officer, tanan nga Senador ang judge sa impeachment case.
