Natukiban nga nadistract sa iya nga cellphone ang helmsman sang isa ka South Korean ferry rason kun ngaa nagsangyod ini sa baybayon.
Madumduman nga lunsay luwas ang 246 tanan ka mga pasahero sang Queen Jenuvia 2 ferry matapos nga nagsab-it ang barko sa isa ka coral reef kag nastuck.
Natabo ang insidente malapit sa Jangsan Island sa Sinan County.
Nakaagom naman sang gamay nga pilas sa lawas ang lima ka mga pasahero bangud sa impact sang pag-igo sang barko.
Ginmando ni South Korean Prime Minister Kim Min-seok nga gamiton ang tanan nga mga sakayan sa pagrescue sa mga pasahero sang barko.
Ang 26,000 tons nga ferry ang nagikan sa resort island nga Jeju kag padulong kuntani sa Mokpo City.
Natukiban sa preliminary investigation nga ang officer nga responsable sa pagmaneho ang nagatulok sa iya mobile phone kag ginpahanugutan sini ang autopilot nga magkontrolar sa area kun sa diin manual nga gina-operate ang barko.
Nagaplano ang Coast Guard nga magpasaka sang kaso kriminal batok sa indibidwal bangud ini ang makabig nga isa ka “clear neglige
