Lauman nga may yara sang pagsaka sa presyo sang gasolina samtang may pagnubo naman sa presyo sang diesel kag kerosene sa ikaduha nga semana sang Disyembre.
Santo sa apat ka adlaw nga trade monitoring sang Means of Platts Singapore, suno kay Department of Energy Oil Industry Management Bureau Assistant Director Rodela Romero, lauman nga magasaka sa kapin P0.70 ang kada litro sang gasolina samtang may rollback naman nga kapin P0.45 sa kada litro sang diesel kag P0.25 sa kada litro sang kerosene.
Suno kay Romero, ang nakaligad lang nga pag-atake sang Ukraine sa energy infrastructure sang Russia naka-apekto sa pagbag-o sang presyo sang produktong petrolyo.
Dugang pa sini, nalakip man sa mga rason amo ang natabo nga disruption sa oil supply halin sa Black Sea ports sang Russia tuga sang bagyo kag nakaligad nga drone attacks, kag ang tensyon sa tunga sang Estados Unidos kag Venezuela.
Samtang ang rollback naman sa diesel kag kerosene ang bangod sa gap sa supply sa world market.
