Ginapreparahan na sang Commission on Elections- Negros Island Region ang posible nga matabo pananglitan nga magsaka ang alert level ni Bulkan Kanlaon sa tion sang eleksyon.
Suno kay- Atty. Lionel Marco Castillano, regional election director sang Commission on Elections- Negros Island Region, kun matabo nga magsaka ang alert level sang bulkan posible nga may patigayunon nga pag-evacuate sa mga residente kag gamiton bilang evacuation centers ang mga buluthuan.
Suno diri, indi magamit ang mga buluthuan bilang voting precinct kag amo nga dapat nila preparahan kun diin ibutang ang mga nadislokar nga botante.
Naghatag na ini sang derektiba sa pag-update sang contingency plan agud nga makoordinar ang Disaster Risk Reduction & Management Office (DRRMO) kag mga kapulisan.
Pahayag ni Castillano kun may matabo nga pag-evacuate sa mga residente nga apektado sa aktibidad sang bulkan mangita na lamang sang lugar nga mangin voting center.
