Ginpahayag sang labor advocate nga ang pagsaka sang balor sang dolyar batok sa peso ang may dako nga epekto sa purchasing power sang mga mamumugon.
Sa interview sang Bombo Radyo kay Wennie Sancho, Secretary General sang General Alliance of Workers Association, ginpahayag sini nga kun magsaka ang balor sang dolyar batok sa peso, mahimo ini magresulta sa pagnubo sang purchasing power sa mga mamumugon ilabi na sa mga minimum wage earners nga suno sa iya wala nagasaka ang sweldo samtang padayon ang pagsaka sang presyo sang mga balaklon.
Dugang pa sini, dako man ang epekto sang dollar-peso exchange rate sa import kag export industry.
Bangud suno kay Sancho, kun magsaka ang balor sang dolyar, mas mahal para sa Pilipinas ang imported nga mga produkto, lakip na diri ang produktong petrolyo nga suno sa iya posible magresulta sa pagsaka sa presyo sang iban pa nga produkto.
Bangud sini ginpahayag ni Sancho nga dapat hatagan sang atensyon sang gobyerno ang productivity, import kag mga export policies, kag ang mga desisyon sang monetary authorities.
Sa pihak sini, ginpahayag ni sang labor advocate nga ang pagsaka sa balor sang dolyar ang dako nga bulig sa mga Pilipino nga may pamilya nga nagatrabaho sa luwas sa pungsod.
Ini bangud suno diri, dako ang mapasulod nga remittance sang mga OFWs sa pungsod nga indi lang makabulig sa natungdan nga pamilya kundi kasubong man sa ekonimiya sang Pilipinas.
