Ipatuman na subong nga adlaw, Lunes, Setyembre 28, ang saka sa pamasahe sa mga pampubliko nga salakyan, samtang ginaduso sang transport groups nga Manibela kag Piston ang ila nga nakaplano nga protesta bangud sa padayon nga pagsaka sa presyo sang produktong petrolyo.
Sa idalom sang aprubado nga bag-o nga pletehan sang Land Transporation Franchising and Regulatory Board (LTFRB), halin sa P13 mangin P14 na ang minimum na pamasahe sa mga ordinaryo nga jeepney sa kada apat ka kilometro.
Samtang ang pamasahe naman sa kada masunod nga kilometro ang magasaka sang P2.
Samtang para naman sa modern public utility jeepneys, mangin P17 na ang minimum nga pamasahe, nga may dugang nga P2.40 sa kada masunod nga kilometro.
Magasaka man ang pamasahe sa mga city bus, mangin P15 ang minimum nga pamasahe para sa una nga lima ka kilometro,samtang may dugang P2.49 sa kada masunod nga kilometro.
Sa mga air-conditioned bus naman, magasaka sang P18 ang minimum nga pamasahe, kag may P3 nga dugang sa kada masunod nga kilometro.
