Ginbotohan sang parliament sang Iran nga saraduhon ang Strait of Hormuz, kun sa diin nagaagi ang 20 percent sang langis sang bug-os nga kalibutan.
Kun mapatuman ang nasambit nga desisyon, ginalauman sang mga analyst nga magasaka ang presyo sang gatong sang 30-50 percent ukon masobra pa nga mahimo nga magtuga sang tuman nga global inflation depende sa kadugayon sang pagsarado.
Dako man ang pamahog sa tensyon sang militar, ilabi na nga nakabantay ang US Navy kag mga kaalyado sini agud magresponde.
Ang pagka-delay sa paglayag sang mga oil tanker ang makaapekto indi lamang sa langis kag LNG shipments, kundi pati man sa importante nga produkto sa bug-os nga kalibutan — nga labi pa nga magahatag sang kabudlay sa mga ekonomiya.
Sa Pilipinas, nga nagadepende sa gina-export nga langis, mabatyagan gilayon ang epekto sa pagsaka sang presyo sang gasolina, kasunod sang pagmahal sang mga nagapanguna nga balaklon.
