Nangin matawhay ang pagsaulog sang kapiyestahan ni San Juan de Bautista sa Negros Island Region.
Sa interview sang Bombo Radyo Bacolod kay Police Lt. Col. Joem Malong, spokesperson sang Police Regional Office-Negros Island Region, wala sang special deployment ang PRO-NIR para sa pagsaulog sang kapiestahan ni San Juan de Bautista apang may security deployment sa mga cities, municipalities kag Barangays nga may nagselebrar depende sa request sang LGU kag religious sector.
Suno kay Malong, wala sang nabaton ang PRO-NIR sang report angot sa mga violent incidents may kaangtanan sa selebrasyon sang nasambit nga kapiyestahan.
Panugyan sini sa tanan nga mangin vigilant kag maghalong agud makalikaw sa bisan ano nga insidente.
Samtang nagapabilin nga nakaalerto ang Philippine Coast Guard sa pagbantay sang mga baybayon kadungan sang pagsaulog sang kapiyestahan ni San Juan de Bautista kahapon.
Sa interview sang Bombo Radyo Bacolod kay Lieutenant Junior Grade (LTJG) Ronnielyn Lapitan, spokesperson sang Philippine Coast Guard-Station Northern Negros, may yara sang augmentation sang Coast Guard personnel agud nga magbantay sa mga baybayon sa probinsya.
Suno kay Lapitan, wala sang may na-record nga natabo nga mga insidente nga may kaangtanan sa selebrasyon sang nasambit nga kapiyestahan.
Dugang pa sini ang deployment sang Coast Guard personnel nga magbantay sa mga baybayon ang nakadepende sa kada stations.
Nagpanugyan man ini sa tanan nga maghalong ilabi na nga indi mapaktan ang dalagan sang panahon.
