Nangin matawhay kag wala sang insidente natabo sa ciudad sang Bacolod sa pagsaulog sang All Saints’ Day kag All Souls’ Day.
Sa interview sang Bombo Radyo Bacolod kay Police Lt. Col. Lester Leada, Deputy City Director for Operation sang Bacolod City Police Office, humalin sang October 31 tubtob November 2 nangin matawhay kag malinong man ang assessment sang Bacolod City Police Office ang pag-obserbar sang tigkalalag subong nga tuig sa ciudad sang Bacolod.
Suno kay Leada, may gamay lamang nga pagbug-at sang dalagan sang trapiko sang Oktubre 31 apang sang November 1 kag November 2 matawhay na.
Ginpahayag man sini nga wala sang may narecord nga may natabo nga mga krimen nga yara sa 8 focus crimes sang mga kapulisan.
Suno sa Deputy City Director for Operation sang Bacolod City Police Office nga mas matawhay ang pag-obserbar sang All Saints’ Day kag All Souls’ Day subong nga tuig kun ipaanggid sang nakaligad.
Ginpahayag man ni Leada nga naplastar man sang maayo ang pagsindi sang mga kandila sa KUMUN indi kaangay sa iban nga lugar nga yara na sa alagyan.
