Liwat nga gin-extend ang pagsaylo sang mga tenants sang Manokan Country bangod nga delay ang shipping sang exhaust fan.
Sa interview sang Bombo Radyo kay Councilor Vladimir Gonzales, chairperson sang Committee on trade, commerce, and industry, kahapon ang ulihi nga adlaw nga ginhatag sa mga tenants para magsaylo sa ila temporaryo nga pwesto.
Apang, bangod nga na-delay ang shipment sang exhaust fan, liwat nga ginhatagan sang extension ang mga tenants.
Suno kay Gonzales, posible nga isa pa ka semana antes mag-abot ang exhaust fan kag ginalauman nga sa ikaduha nga semana sang Setyembre, matigayon na gid nga makasaylo ang mga tenants.
Dugang pa sang konsehal, mahimo nga makabutang sang mga lamisa kag bangko ang mga tenants sa gwa man sang ila nga pwesto para maka-amodar sang mga costumer.
Samtang, nagapati naman si Gonzales, nga ang extension nga ginhatag sa karun sa mga tenants ang luyag man nila bangod nga madelay ang ila pagsaylo.
