Ginfinalize na sang Minnesota Timberwolves ang pagsaylo kay Karl-Anthony Towns sa New York Knicks.
Santo sa inisyal nga detalye sang trade igabulos kay Towns sanday Julius Randle kag Donte DiVincenzo, kaupod ang isa ka first-round draft pick.
Si Towns ang nagpabilin sang napulo ka season sa Wolves, ang team nga nagpili sa iya bilang 1st overall sadtong 2015.
Nahimo man sini nga dal-on ang Wolves sa pila ka mga playoff kag nakasulod sa Western Conference finals sang nakaligad nga season sa bulig sang bag-uhan nga guard nga si Anthony Edwards.
Si Towns ang kalakip sa pila ka mga player sa bug-os nga liga nga nagdangat sa isa ka dekada sa isa ka team gani madamo sang analysts ang nakibot sa iya pagsaylo ilabi na nga wala ini nagpakita sang bisan ano nga interes nga maghalin sa Minnesota.
Samtang, apisar nga limitado lamang ang paghampang sini sang nakaligad nga season, ginalauman nga dako nga bulig si Randle sa Wolves kaupod ang sharp shooter nga si DiVicenzo.
Makaupod sang duha ang bag-uhan nga si Edwards kag ang 7 footer nga si Rudy Gobert.
Sa karun, wala pa sang detalye nga ginpagwa sa nasambit nga deal.
