Kaangay nga liwat nga nabatayagan sang Filipino Community sa Rome, Italy ang kultura sang Pilipinas basta may yara sang selebrasyon, kadungan sang pag-celebrate sang mga Pilipino sang 126th Philippine Independence Day sa Rome, Italy.
Sa interview sang Bombo Radyo kay Jeff Vinas Lagos, Overseas Filipino Worker sa Rome, Italy, gin-organized sang Philippine Independence Day Association ang Philippine Independence Day Celebration nga ginpatigayon sang nakaligad nga Domingo.
Suno diri, uhaw ang mga Pilipino nga liwat nga mabatyagan ang kultura sang Pilipinas basta may yara sang selebrasyon, kaangay na lamang sang karaoke, kinaon, sinaot kag iban pa.
Suno kay Lagos, tuman ang kalipay sang mga Pilipino sa selebrasyon, nga kaangay nga nadula ang ila stress kag bukas ang tanan nga kaangay sila ang madugay na nga kilalahay.
Samtang, may yara naman sang mga Europeans ang una nga natingala sa pamaagi sang Pilipino basta may selebrasyon, apang sa karun sila ang naga-upod naman kun kaisa sa mga selebrasyon sang Pilipino.
