Gin-abandonar sang mga imbestigador sa South Korea ang ila attempt nga arestuhon si President Yoon Suk Yeol sa iya puluy-an sang Biyernes bangud sa pagpatuman sini sang martial law sang tinalikdan nga bulan, kag gincite ang safety concerns matapos ang pagbalabag sa security team sang suspendido nga Presidente.
Si Yoon ang mangin labing una nga nagapungko nga Presidente sa maragtas sang South Korea nga maaresto kun mapagwa ang warrant.
Sa pahayag sang Corruption Investigation Office (CIO), natuhoy sa execution sang arrest warrant, indi ini posible nga matabo sa nasambit nga adlaw bangud sa nagapadayon nga standoff.
Kapin 20 ka mga imbestigador kag 80 ka mga police officers ang na-outnumber sang kapin 200 ka mga suldado kag security personnel nga naga-uyatay sang kamot agud mapunggan ang pagsulod sang mga ini sa presidential compound.
