Wala nagakumporme ang political analyst sa ginhimo ni Senator Ronald “Bato” Dela Rosa sa pagshare sang video sang isa ka estudyante nga nagapahayag sang reaction sini sa impeachment case ni Vice President Sara Duterte.
Ang nasambit nga video natukiban nga isa ka Artificial Intelligence generated.
Gindepensahan man sang bise presidente kag sang senador ang pagshare sang video kag nagpahayag pa nga bisan AI generated kun ang luyag ipahayag ang panan-awan sini.
Sa interview sang Bombo Radyo Bacolod kay Atty Jomax Ortiz, ginalataw sini nga nakahatag sang indi maayo nga impact sa mga estudyante ang nasambit nga video.
Suno kay Ortiz, negatibo man ang impact sa bise presidente.
Ginpahayag sini nga dapat man tani nga magpangayo sang pasaylo si Senator Dela Rosa bangud nga ang video ang indi matuod kag ang pahayag ang wala man naghalin sa mga estudyante.
Samtang ginpahayag man sini nga madayon gid ang impeachment case ni VP Sara kag gilantaw man sini nga maimpluwensyahan man sang Estados Unidos.
