Nangin malinong ang pagsugata sang bag-ong tuig sa syudad sang Bacolod suno sa pamunuan sang Bacolod City Police Office (BCPO).
Sa interview sang Bombo Radyo Bacolod kay Police Col. Thomas Joseph Martir, city director sang BCPO, wala sang reported nga dalagko nga insidente kadungan sang pagsugalaw sang bag-ong tuig.
Suno kay Martir, minimal lamang ang mga insidente ang narekord kaangay lamang sang reported nga napaso sang palupok sa area sang Police Station 3.
Ginpahayag man sini nga madamo man sang nakumpiskar nga palupok sa bahin sang Police Station 4 kag Police Station 6 nga wala ginpalupok sa community designated areas bangud ginpalibot gid sini ang mga police patrols.
Nagnubo naman ang crime incidents sa syudad sang Bacolod subong nga tuig kag nagalaom nga padayon nga maganubo subong nga tuig 2023.
Ginpahayag man ni Martir nga ginalantaw nila sa 2023 ang mas madamo nga accomplishments kag mas mataas pa ang moral sang mga kapulisan subong nga tuig.
