Ginaduso sang pila ka sugar planters sa Negros Occidental nga mas tempranuhon ang milling season sang isa ka bulan nagikan sa nakaandan nga bulan sang Setyembre.
Sa interview sang Bombo Radyo kay Negros Occidental 5th District Representative Dino Yulo nga anay board member sang Sugar Regulatory Administration, ginaduso nila ang mas temprano nga milling season agud nga maaddress ang supply problem, kag makastock ang mga central sang nagakaigo nga feedstock agud nga makaoperate sang refineries sang temprano.
Aminado si Yulo nga dependent ini sa mga factors.
Suno diri, magaabre ang mga central sa bulan sang Agusto kun may bastante nga supply sang tubo samtang depende naman sa mga planters kun maconvince sila nga magpagaling sang mas temprano.
Ang pagpasugot sang mga planters suno sa congressman ang dependent sa maayo nga presyo bangud agud nga makagaling sang Agusto, 10 tubtub 11 ka bulan ang edad sang tubo.
Suno kay Yulo, weather ang basehan sang planter sa pagcompute kun siya ang makaginansya.
