Ginpahayag ni Vice President kag Education Secretary Sara Duterte nga indi obligado nga magsuksok sang uniporme ang mga estudyante sa mga pampubliko nga eskwelahan sa pagbukas sang klase.
Ini ang ginpahayag sang Bise Presidente kahapon, agud nga mabuhinan ang galastuhan sang mga ginikanan sa pagbukas sang klase, ilabi na nga nagataas ang presyo sang mga balaklun kag madamo sang nadula nga palangabuhian bangod sa COVID-19 pandemic.
Suno kay Duterte, antes paman ang pandemic, indi na estrikto nga requirement sa mga public schools ang pagsuksok sang uniforms santo sa Department of Education (DepEd) Order No. 065 series of 2010 agud malikawan ang dugang nga galastuhan sang mga estudyante.
Bangod sini, mas indi ini igarequire subong nga school year bangod sa pagsaka sa mga presyo sang balaklon kag economic losses bangod sa pandemic.
Maga-umpisa ang klase para sa school year 2022–2023 sa maabot nga Agosto 22.
Una na nga ginpahayag ni Duterte nga kombinasyon sang in-person classes kag distance learning ang ipatuman humalin Agosto tubtob Oktobre, antes ang implementation sang full face to face classes sa Nobyembre.
