Pagsuksok sang school uniform sa mga eskwelahan, indi mandatory suno sa DepEd-Bacolod

Nagpahanumdom ang Schools Division Superitendent sang Department of Education-Division of Bacolod City nga indi pa sa karun mandatory ang pagsuksok sang school uniform sa mga eskwelahan.

Sa interview sang Bombo Radyo Bacolod kay Dr. Dennis Develos, ang mandato sang DepEd nga indi man required ang mga estudyante nga magsuksok sang complete uniform apang dapat pasuksukan man ini sang desente kag nagakaangay man sa eskwelahan.

Suno kay Develos, may mga eskwelahan nga may yara sang kaugalingon nga uniform para mahapos nga sila ang makilala apang indi ini compulsory.

Ginpahayag man sini nga may yara na sang instruction ang DepEd national office nga ginadumilian ang pagprescribe sang school uniform sa mga estudyante.