ISRAEL – Ginpahayag sang Israel nga ila siraduhan ang naga-isahanon nga alagyan gikan sa Gaza Strip para sa mga trabahante subong nga adlaw kasunod sang pagpalupad sang tatlo ka rockets sang mga militante sa Palestinian territory.
Pahayag sang COGAT, isa ka unit sang defense ministry nga responsable sa Palestinian civil affairs nga kasunod sang pagpatupa sang rockets sa Israeli Territory gikan sa Gaza Strip sang Biyernes, nadesisyunan sang mga ini nga ang pagtabok sang Gazan merchants kag mga trabahante pasulod sa Israel pinaagi sa Erez Crossing ang temporaryo nga pagadumilian.
Nahibaluan nga sang Biyernes sang gab-i, duha ka rockets ang ginpalupad gikan sa Gaza nga nga-igo sa southern Israel, kun sa diin ini ang nagtupa sa Jewish state kag nasundan pa sang isa ka pag-atake sa residential building sa Northern Gaza.
Kahapon sang aga, ginpalupad naman ang ikatatlo nga rocket santo sa pahayag sang army, apang wala sang nag-andar nga air raid sirens apisar sa sunod-sunod na nga pag-atake.
Ang pag-atake ang kasunod nalang sa nauna nga rocket attacks sang Miyerkules kag Huwebes, karun nga ang Israeli police ang nagapakigbato sa Palestinian protesters sa falshpoint Al-Aqsa mosque compound sa Jerusalem sang tinalikdan nga mga inadlaw.
Ang Israel ang nagbalos naman sang pag-atake sa una palang nga mga rocket attacks, apang bangod sa kagustuhan nga malikawan ang dugang nga ginamo, ang ila nga pagresponde ang ginshift na sang Israel sa economic measure nga pagsarado sang Erez kag nagpaathag nga ang dugang pa nga rocket attacks ang magapalala sang penalidad.
Dugang pa sang COGAT nga ang liwat nga pagbukas sang crossing ang pagadesisyunan santo sa security situational asessment.
