Pagsunog sang apat ka mga heavy equipments sa banwa sang La Libertad, Negros Oriental, gina-imbestigaran pa

Gina-imbestigaran pa sang mga otoridad sang La Libertad ang insidente sang pagsunog sang wala pa matumod nga armado nga mga lalaki sang apat ka mga heavy equipment sa Barangay Aya, banwa sang La Libertad, Negros Oriental, sang Sabado sang gabi.

Sa interview sang Bombo Radyo Bacolod kay Senior Fire Officer 1 Jose Marie Guath, pinuno sang Intelligence and Investigation sang La Libertad Fire Station, ang mga ginsunog ang ginlakipan sang isa ka 10 wheeler dump truck, duha ka backhoe kag isa ka loader.

Suno kay Guath, ang mga heavy equipments ang yara sa ginaubra nga dalan sa nabukid nga bahin sang lugar.

Ginahulat pa ang imbestigasyon sa karun sang mga kapulisan angot sa insidente.