Posible nga magsaka sa kapin P5 kada litro ang presyo sang diesel sa masunod nga semana bangud sa nagasaka nga presyo sang gatong sa oil market suno sa Department of Energy.
Suno kay DOE Oil Industry Management Bureau Director III, Assistant Director Rodela Romero, posible nga ipatuman ang masunod nga mga price hikes sa Hunyo 24 santo sa apat ka adlaw nga trading sa Mean of Platts sa Singapore.
Ang gasolina ang posible nga magsaka sang P2.50 tubtob P3 kada litro; P4.30 tubtob P4.80 sa kada litro sang diesel; kag P4.25 tubtob P4.40 sa kada litro sang kerosene.
Suno kay Romero, nagsaka ang presyo sang diesel sa malapit tatlo ka dolyares ukon kapin P161 sang Miyerkules tubtob Huwebes kag ginpahayag nga posible magdangat sa P5 kada litro ang price hike kun liwat ini nga magasaka pagkasunod nga adlaw.
