Ginakasubo sang alkalde sang ciudad sang Bacolod kag sang bug-os nga Team Asenso ang pagtaliwan sang punong barangay sang Barangay 31, Bacolod City, kahapon.
Sa interview sang Bombo Radyo Bacolod kay Barangay Singcang Airport Punong Barangay kag Bacolod City Mayor Alfredo “Albee” Benitez spokesperson Atty. Caesar Distrito, ginpahibalo sila sang pamilya ni Barangay 31 Punong Barangay Kap Kuya German Bullolaza Jr., nga ini ang napatay na kahapon.
Suno kay Distrito, sang isa ka adlaw nagestoryahanay pa sila sang pamilya ni Bullolaza kag naghingagaw pa ini padul-ong sang dugo bangud ini ang labi nga kinanlan sang punong barangay bangud yara na ini sa kritikal nga kondisyon.
Suno diri, sang ini ang ginpahibalo nga nagtaliwan si Bullolaza, gilayon man sini ginpahibalo ang akalde.
Suno kay Distrito nagpadangat man sang pagpakig-unong ang alkalde sa nalisdan nga pamilya kag dako gid ang nadula bangud sa pagtaliwan ni Bullolaza bangud isa ini sa nagsuporta kag nag-unong sa alkalde sang ini ang nagpadalagan.
Si Distrito kag ang utod sini ang close man sa nagtaliwan nga punong barangay.
Suno diri, ang nakuha sini nga impormasyon sa kamatayon sang alkalde amo ang organ failure.
Gintawag man sini si Bullolaza nga “epitome of public servant” kag nagapati ini nga sa pagpungko sini bilang punong barangay ang madamo ang nabuligan.
Samtang wala pa mahibaluan kun sin-o ang magapungko sa karun bilang punong barangay sang Barangay 31.
