Nagpanawagan ang Bacolod City Health Office nga mag-upod sa ila kampanya sa pagtanum sang utan kag prutas sa karun nga ginaselebrar ang 50th nutrition month.
Sa interview sang Bombo Radyo kay Mayrrah Lei Unson, Bacolod City Health Office Nutritionist lll, kun sadto kabataan lamangang ginatutokan apang sa karun ginahatagan naman sang pagtamod ang ikaayong lawas humalin sa nagabusong tubtob sa mga tigulang.
Suno diri, sa pagselebrar sang nutrition month mapalapnag ang ihibalo sa importansya sang nutrition sa ikaayong lawas.
Luyag man sini nga tandaan ang MOVABA, ukon ang Moderate, Variety kag Balance nga pagpili sang pagkaon.
Ginpanawagan man sini nga ang first 1000 days sang bata ang importante nga mahatagan sang insakto nga nutrition.
Sa karun naman nga magabukas na ang klase, mas maayo suno kay Unson nga pabalonan na lamang ang bata agud nga malikawan ini nga makabakal kag makakaon sang pagkaon nga makahalit sa ila ikaayong lawas.
