Ginkumpirmar sang Director sang Philippine Institute of Volcanology and Seismology (PHIVOLCS-DOST) nga may nagluntad nga linog alas 3:22 ang takna kahapon.
Sa interview sang Bombo Radyo Bacolod kay Phivolcs Director Teresito Bacolcol, nagtay-og ang magnitude 5.4 nga linog kag ang epicenter ang yara sa Bogo City, Cebu.
Narecord ang mabaskog ang intensity 4 sa San Francisco, Cebu kag intensity 1 naman ang narecord sa Bacolod City.
Suno kay Bacolcol, tectonic in origin ang nagluntad nga linog samtang ang kadalumon sini ang nagdangat sa 10 kilometers.
Wala naman sang reported nga damages kasunod sang nabatyagan nga linog sa ciudad sang Bacolod kag probinsya sang Negros Occidental kahapon.
Sa interview sang Bombo Radyo Bacolod kay Irene Bel Ploteña, pinuno sang Negros Occidental Provincial Disaster Risk Reduction Management Office, ang tagsa ka Local Government Units ang nagpatuman sang ginatudlo sa earthquake drill nga dock, cover and hold.
