Wala nasarangan sang 3-time NBA MVP Nikola Jokic nga mabatak ang Denver Nuggets sa pihak sang iya nga triple-double performance sa pinakauna nga game subong nga season.
Gintambakan sang Oklahaman City Thunder ang Nuggets sa score nga 102-87.
Bigtime double-double performance ang ginhimo sang bag-uhan nga sentro nga si Chet Holmgren – 25 points, 14 rebounds; samtang 28 points ang ipinoste ni Shai Gilgeous-Alexander.
Wala man mag-igo ang 16-12-13 (points-rebounds-assists) performance ni Jokic agud nga malapawan ang tandem nanday Holmgren kag Shai.
Samtang, nalimitahan lamang sa 6 points ang triple-double king nga si Russell Westbrook sa iya nga Denver debut.
Kaangay sang anay hampang sang Thunder sadtong nakaligad nga tuig, liwat nga nagpakita sang fast-paced play batok sa 2023 NBA champion.
Napasulod ang Thunder sang 43 shots gikan sa 101 attempts kag 35 shots lamang ang nahatag sang Nuggets.
Nagpaindis-indis man ang dalawa sa paint area kun sa diin 62 points ang napasulod sang Thunder samtang 52 points ang ginhimo sang Denver.
Ini ang una nga hampang kag pagkalutos sang 2023 NBA champion samtang una nga hampang kag una nga kadalag-an man sang Thunder.
