Maga-umpisa na subong nga tuig ang pag-construct sang kapin sa 99 ka mga cold storage facilities nga nagatuyo makabulig sa pag-extend sang shelf life sang mga produkto kag mapabilin nga estable ang presyo kag supply.
Suno sa Department of Agriculture, ang ini nga proyekto ang barato kag maga-operate paagi sa renewable energy source kag power grid.
Ginalauman nga mangin operational subong nga tuig ang magagmay nga cold storage facilities ukon ang mga modular chillers nga makastore sang 7 to 15 metric tonnes.
Samtang ang dalagko naman nga pasilidad ang ginalauman nga mahuman 18 tubtob 22 ka bulan, kun sa diin may plano ang ahensya nga magbutang sang pasilidad sa Camarines Sur, Oriental Mindoro kag Nueva Ecija.
Ang kakulangan sang cold storage facilities ang nagaresulta sa pagkaguba sang mga baligya kag dako nga pagbag-o sa presyo.
