Ginkompirmar sang barangay kagawad sa Barangay Taculing, Bacolod City nga temporaryo nga gin-untat ang pagconstruct sang cellsite sa ila lugar matapos nga wala sang building permit suno sa office of the building official.
Sa interview sang Bombo Radyo kay Barangay Kagawad Ian Ted Lacson, ginahulat nalang nila ang approval sang OBO sa mga kulang nga requirements sang gin-umpisahan construct ang cellsite.
Suno sa iya ang pagpatukod sang cellsite ang ginapatuman ni Presidente Rodrigo Duterte.
Ginpahayag man sini nga sa Barangay Taculing may yara sang anum ka naga-exister sa cellsite sa barangay nga ginapanag-iyahan sang DITO telecommunications company.
Suno kay Lacson, kabahin ang duta sini sang ginpatindugan sang cellsite sang DITO CPE kag gin-aprubahan niya man ini bangud sa may mga legal man nga mga papeles nagikan sa DILG, ARTA kag national government.
Ginpahayag man sini nga wala sang kamatuoran nga may nagpatukog nga swimming sa ginatukuran sang cellsite.
Suno diri, nakahibalo ang tanan niya nga mga kaingod nga cellsite ang ginpatukod sa lote sini.
Suno kay Lacson, may yara sang joint venture naman sang mga business partners para sa renta gintukuran sang cellsite.
Ginpahayag sang Barangay Kagawad nga magaresume man ang pagconstruct sang cellsite sa tion nga makompleto na kag maaprubahan ang requirements sang OBO para sa building permit.
Suno pa kay Lacson, ang DITO na ang mafollow-up kag magproseso sang papeles para sa requirements sang OBO.
Gin-athag man sini nga ang cellsite ang ginpatukod bangud man sa COVID pandemic agud nga makahatag nga sang maayo nga signal para sa komunikasyon kag agud man mangin kabahin sang solusyon sa ginapangatubang nga problema sang mga tawo sa signal kag kadasigon sang internet connection.
Suno diri, pila sa mga nabatian sini nga plano kadungan sang pagtukod sang cellsite amo ang paghatag sang libre nga internet sa mga public schools kasubong man sa mga ahensya sang gobyerno.
Ginalauman man nga matapos ang pagtukod sang cellsite antes matapos ang bulan.
