Ginafinalize na sa karun sang Negros Occidental provincial government ang pagpatindog sang dormitory type nga evacuation center sa Panaad Park and Stadium sa ciudad sang Bacolod.
Suno kay Negros Occidental Provincial Administrator Atty. Rayfrando Diaz, wala man sini ginapangayo ang paglupok liwat sang Bulkan Kanlaon apang nagapreparar na ang probinsya sa kun ano man ang matabo.
Suno kay Diaz, may yara sang bakante nga lote sa Panaad Park nga natumod agud patindugan sang nasambit nga evacuation center.
Suno pa diri, amat-amat ang pagpatindog sang building tubtob nga makaakomodar sang 5,000 tanan ka mga evacuees.
Ginapahayag man nga ang nasambit nga dormitory ang mangin isa sa designated evacuation center para sa bug-os nga probinsya.
Suno pa sa provincial administrator ang patindugon nga dormitoryo ang pwede man mangin athletes quarters.
Apisar nga ang dormitory ang gintalana para sa evacuees, apang kun wala man sang evacuees mahimo ini gamiton sang mga atleta sa tion sang training.
