Ginaplanuhan na sang Sagay City Government kag Philippine National Police-Special Action Force ang reconstruction sang mga pasilidad kag dugang nga
kasunod sang nagluntad nga sunog sa 6th Special Action Battalion headquarters sa Sitio Tan-ao, Brgy Poblacion II, Sagay City.
Madumduman nga ang sunog ang nakahalit sang pila ka SAF housing quarters kasubong man sang mga armas-luthang, uniporme, gadgets, personal nga pagkabutang, kag iban pa nga propedad, samtang wala naman sang napatay ukon nasamaran.
Ini ang nadiskusyunan sa exit call ni Battalion Commander PLtCol. Rushel Agustin sa City Mayor’s Office, bangod ini ang natalana na nga itransfer sa Laguna.
Ginareconsider sa karun ang inisyal nga proposal sa pagrepair sa mga naguba nga housing quarters, matapos makita sa assessment nga iban sa mga ini ang kinahanglan na sang complete demilition kag reconstruction.
Gimando na ni Sagay City Mayor Leo Rafael Cueva sa City Engineering Office ang pag-inspect sa site kag pagtumod kun safe nga magtukod sang bag-o nga estraktura sa lugar nga nasunugan.
Ang existing Program of Works para sa repairs ang mahimo man nga irevise agud masakop ang reconstruction, depende sa resulta sang technical assessment.
Ginsuhestyon man ni Cueva ang temporaryo nga paggamit sang tents gikan sa City Disaster Risk Reduction and Management Office agud may matiniran ang SAF personnel, samtang wala pa ang panibag-o nga puluy-an.
Ginbalikan man sang City Government ang proposal sadto sa pagtukod sang 2-storey multi-purpose building.
Nagpreparar na ang City Engineering Office sang initial plan para sa tukuron nga structure, kag ginmando naman sang alkalde ang pag-assess sa feasibility kag pagpreparar sang budget proposal para sa review.
Ang proposed building ang pwede nga gamiton nga bag-o nga barracks, nga makaakumodar sang indi magnubo isa ka gatos nga personnel.
Ginakonsiderar ang multi-storey design bangod sa limitado nga space para sa horizontal expansion’
Magapatigayon man sang site kag soil inspection ang City Engineering Office antes desisyonan ang bag-o nga construction program.
