Wala sang problema kay outgoing Mayor Evelio “Bing” Leonardia ang gintukod nga Truth Commission sang palaabuton nga administrasyon ni Mayor-elect Albee Benetiz.
Suno kay Leonardia, cardinal rule sang iya administrasyon ang pagsunod sa mga pagsulundan kag ila ginatuman ang mga requirements sang Commission on Audit.
Suno sa iya, common sense na sa politika nga ang kaangay nga mga tikang sang incoming administration ang makabig nga “witch hunting” kag “demolition job.”
Suno sa alkalde, wala sila sang may ginatago kag dapat taguon gani ila pabay-an ang incoming administrasyon sa pagduso sang nasambit nga commission.
Gindugang man sini nga ini ang labing una nga kahigayunan sa iya kabuhi nga siya ang nagfile sang election protest bangud daw indi gid sini matulon ang result sang pagpiniliay sang Mayo 9.
Suno sa iya, samtang nagalibot ini sa ciudad, mas kumbinsido ini nga indi mapatihan ang resulta sang Eleksyon.
Recount lamang ang iya ginapangayo suno kay Leonardia bangud luyag sini makit-an kun ano ang nasulat sa balota agud mahibaluan ang kamatuoran.
