Ginalantaw sang Weather Observer nga magapadayun ang epekto sang Haze gikan sa forest fire sa Indonesia sa Pilipinas kung indi mapalong ang kalayo, samtang sa Oktubre pa ginalauman ang pagbaylo sang huyop sang hangin.
Sa interview sang Bombo Radyo Bacolod kay Melvin Fierro, weather observer sa Negros Occidental Operation Center, nagalab-ot sa Pilipinas ang Haze gikan sa Indonesia bangod sa Southwest Monsoon ukon Hangin Habagat.
Dugang pa sini nga ang Habagat ang ginpabaskog pa sang Bagyo Pilandok apisar nga ini ang naggwa na sa Philippine Area of Responsibility kaina sang aga.
Luwas diri, may-ara pa sang duha tubtob tatlo ka Bagyo nga ginalantaw nga mahimo magsulod sa Pilipinas subong nga Setyembre.
May isa ka Low Pressure Area sa gwa sang PAR nga padayun nga ginamonitor, kag ini ang may magamay pa nga tyansa nga magbaskog kag mangin Bagyo.
Apang hinali mangin Bagyo, ginalantaw nga ini ang magasulod man sa PAR.
Makita sa satellite image nga malikop gid sang labayan sang hangin gikan sa Indonesia ang Negros Island Region.
Bangod yara pa sa Habagat, ang hangin gikan sa Indonesia ang ginahuyop padulong sa Pilipinas, apang sa Oktubre ini ang magatransition na sa Northeast Monsoon ukon Hangin Amihan.
