Ginpahayag sang Department of Justice (DOJ) nga indi personality driven ukon direkta para sa isa ka partikular nga grupo ukon indibidwal ang ginahimo nga imbestigasyon natuhoy sa kaso sang mga missing sabungero.
Suno kay Justice Undersecretary Raul Vasquez, wala sila sang may ginatumod nga personalidad sa ila ginapatigayon kag nagapadayon nga imbestigasyon.
Suno sa iya, kun anuman ang mangin resulta sang imbestigasyon, nagapatimaan lamang ini nga siya ang ginatudlo sang mga ebidensya kag ang mayorya nga may kahilabtanan sa nasambit nga kaso.
Suno diri, wala sang personal nga agenda sa imbestigasyon kag ila lamang ginahimo ang ila trabaho.
Nagapadayon man ang mga otoridad sa pagpangita sang mga ebidensya may kaangtanan sa kaso sang missing sabungero.
