Nagapadayon ang pagpatigayon sang verification sang mga otoridad sa mga natumod nga area of concern sa probinsya sang Negros Occidental.
Nahibaluan nga gintumod sang Commission on Elections (Comelec) ang 18 ka mga lugar sa Negros Occidental bilang potential election hotspots para sa national kag local election.
Una na nga gintumod sang COMELEC ang 12 ka mga areas of concern sa probinsya.
Ginakonsiderar nga area of concern ang Don Salvador Benedicto, samtang areas of immediate concern naman ang syudad sang Silay, Victorias, Himamaylan kag Kabankalan, kasubong man ang banwa sang Manapla, Toboso, Binalbagan kag Hinobaan.
Samtang ang gintag naman bilang grave areas of concern amo ang Escalante City kasubong man ang banwa sang Candoni kag Moises Padilla.
Sa interview sang Bombo Radyo kay Brigadier General Inocencio Pasaporte, commander sang 303rd Infantry Brigade sang Philippine Army, ginpahayag sini nagapadayon ang ila nga meeting kaupod ang PNP kag local election officers para sa assesment sang mga lugar nga yara sa listahan agud nga maverify kag mabag-o santo man sa mga feedbacks nagikan sa ground.
Lantawon man sang mga ini ang mga lugar nga masabad kag magamo agud maadjust sang mga ini ang pagdugang sang deployment sang army forces kaupod ang katapo sang PNP.
Gin-athag man sini nga ang ila nga mga tikang nga ginahimo ang nasanto sa sitwasyon kag feedback sa lugar.
