Indi pa makumpirmar sang Bacolod Police Station 8 kun kaso sang basag-kotse ukon tripping lamang ang pagwasak sang windshield sa likod nga bahin sang isa ka salakyan nga naka-park sa isa ka mall sa Barangay Singcang-Airport, Bacolod City.
Sa interview sang Bombo Radyo Bacolod kay Police Lt Ildefonso Leonardo, deputy chief sang Bacolod Police Station 8, wala nagpa-record ang tag-iya sang salakyan kag wala man mahibaluan kun may nadula nga iya mga gamit.
Ginpadulungan na sang kapulisan ang lugar kag nag-request sang CCTV footage sa mall agud mahibaluan ang matuod nga natabo.
Suno kay Leonardo, ginahulat pa nila nga magpadulong sa ila estasyon ang tag-iya sang salakyan agud nga makahatag sang statement kun may yara sang nadula nga gamit sa salakyan sini.
Ginahibalo pa sang mga kapulisan kun basag-kotse ukon tripping lamang ginhimo sa nasambit salakyan.
