Ginalantaw sang human rights lawyer nga indi lamang luyag ni House Majority Floor Leader Sandro Marcos nga magbinunggu-anay ang mga kongresista gani ginpahayag sini nga indi sila mahimo maka-imbestigar sa kaupod nga Kamara may kaangtanan sa involvement sa anomalya sa Flood Control Projects.
Madumduman nga gintutukan ni President Ferdinand “Bongbong” Marcos Jr. ang isyu tuhoy sa kurapsyon sa flood control projects, tubtob nga nagtuhaw ang mga pangalan sang Kongresista nga ginatudlo nagserbe contrator sa ila mismo mga proyekto, ukon may kaangtanan sa mga ginakuha nga contractors.
Kahapon, nagpagwa sang pahayag ang Presidential-son nga wala sang gahom ang Kamara sa pag-imbestigar sa mga miyembro.
Sa interview sang Bombo Radyo Bacolod kay Atty Cesar Beloria, ang Kamara ang sarang maka-imbestigar in aid of legislation, apang Office of the Ombudsman na ang maga-imbestigar sa criminal kag administrative cases.
Nagapati ang abogado nga ginpagwa ni Sandro ang pahayag agud malikawan ang biases.
Bukas naman sila sang imbestigasyon sang 3rd party, apang ini ang kwestyonable pa bangod ang kongresista nga ginakwestyon ang sarang makareklamo nga wala sang diber ang 3rd party nga mag-imbestigar.
Sa pihak nga bahin, apisar nga sang 19th Congress nakita nga agresibo ang Kamara sa pag-imbestigar sa halos tanan nga issues sa palibot, ginalantaw ni Beloria nga sila ang mabudlayan mag-imbestigar sa karun bangod madamo sa ila ang maigo.
Nagapati ang abogado nga nakahibalo man ang mga kongresista nga madamo sang may ghost projects, palapaw sang budget, nga matawag pagpangawat sa kaban sang gobyerno ukon graft cases.
Gani kun ini ang imbestigayan sang House of Representatives, mahimo nga mag-ilinaway ang ila nga mga miyembro.
Sa pihak nga bahin, kun may-ara sang iban nga magfile sang complaints nga may ebidensya, ini ang mahimuan naman sang tikang sang Office of the Ombudsman.
