Para sa isa ka abogado, irresponsible statement ukon ireponsable ang pagpahayag ni Suspended Negros Oriental 3rd District Representative Arnulfo Teves nga idesignate man sang Anti-Terrorism Council nga terorista si Bacolod City Mayor Alfredo Benitez bangud sila ang kaalyado.
Sa interview sang Bombo Radyo kay Atty Jomax Ortiz, wala man lang ginhatagan ni Teves si Albee sang due process, kag ini nagpahayag na lamang kag gindalahig ang pangalan sang alkalde.
Suno kay Ortiz, posible nga gingamit ni Teves si Albee bangod nga malapit ang alkalde kay president Ferdinand Marcos Jr.
Nakita man sini nga indi manami nga I-angot si Albee sa natabo nga pagpamatay sa Negros Oriental bangod wala man ini sang koneksyon kay the late governor Roel Degamo.
Pamangkot sang abogado, nga bangod gin-freeze ang asset ni Teves, ini ngaa luyag niya man nga I-freeze ang asset ni Albee apisar nga wala man gin-tag ang alkalde nga terrorista.
Para kay Ortiz, ang utok ni Teves kaangay nga indi na maintindihan sa bahin nga nangdalahig ini, kag sa alkalde pa.
Dugang pa niya, isa ka makakilibot nga butang ang pahayag ni Teves nga magbayad si Albee sang iya utang sa kongresista.
Apang, suno kay Ortiz mahimo makapasaka sang kaso si Albee batok kay Teves sa pagdalahig sang iya pangalan.
Sa karun nga na-freeze ang assets ni Teves, suno kay Ortiz, may posas na ang kamot sini bangod wala na ini sang igasto sa pag-atubang sa mga gina-akusar sa iya kasubong man nga wala na ini sang pinansyal para sa iya estratehiya nga makapalagyo sa iya problema.
