Gina-imbestigahan sa karun sang Department of Justice ang statement ni Vice President Sara Duterte nga may ginkontrata ini nga persona agud magpatay kay President Ferdinand “Bongbong” Marcos Jr., First Lady Liza Araneta-Marcos, kag House Speaker Martin Romualdez, kun mangin madinalag-on ang ginaalegar tuyo nga siya ang patyon.
Suno sa DOJ, subject ini sa karun sa nagapadayon nga imbestigasyon.
Kun pahanugutan sang ebidensya, ini ang makatuga man sa eventual prosecution.
Ang pahayag natuhoy sa pagpatay ang ginpahayag ni Duterte sang Sabado sang aga sa isa ka media conference sa Kamara kun sa diin nadetain si Office of the Vice President (OVP) chief of staff kag undersecretary Zuleika Lopez matapos gincite in contempt.
Suno diri, siya ang nakaistorya na sa isa ka persona gani indi dapat pagkabalak-an ang iya seguridad.
Dugang pa sini nga iya ginhambalan ang ini nga persona nga luyag niya nga patyon sini sanday BBM, Liza Arante kag Martin Romualdez kun siya ang mapatay.
