Welcome development para sa labor advocate ang impormasyon nga nagpahayag ang Department of Budget and Management nga may pondo para sa pagbulig sa mga minimum wage earners.
Sa interview sang Bombo Radyo Bacolod kay Wennie Sancho, secretary General sang General Alliance of Workers Association, nagapasalamat siya sa ayuda para sa mga mga mamumugon nga apektado sa pagtaas sang presyo sang mga balaklon.
Suno kay Sancho, ang panawagan lamang sini nga indi na pag-ihatag sa mga pulitiko kundi iderecho sa ahensya kaangay sang Department of Social Welfare and Development (DSWD) agud nga mahatag sa insakto nga mga beneficiaries.
Suno diri, kun ipaagi sa mga pulitiko mangin unfair ang pagpanagtag.
Suno diri, dako ini nga pasalamatan sang mga mamumugon bangud sila ang nagapanguna sa mga naapektuhan sang nagasaka nga presyo sang basic commodities kadungan sang pagsaka sang presyo sang produktong petrolyo.
