Ginbatikos ni Senator-judge Raffy Tulfo ang nangin preparasyon sang ika-apat nga witness sang depensa sa impeachment trial ni Vice President Sara Duterte angot sa isyu sang unexplained wealth.
Suno kay Tulfo, ginalauman niya nga nakahibalo ang witness sa rasun kun ngaa ini ang ginpatawag agud magpaathag sa mga kwestyon angot sa manggad sang Bise Presidente.
Apang, natalupangdan sang Senador nga madamo ini sang wala masabat, kalakip ang mga pamangkot sang prosekusyon angot sa ginatumod nga kun ini ang return on investment ukon return of investment nga gina-alegar nabatun sang Bise Presidente.
Bangod sini, ginsuhestyon ni Tulfo sa witness nga kuntani ini ang nagpreparar kag nagresearch anay antes mag-atubang sa trial.
Makatilingala para sa Senador nga sa 15 ka tuig sini bilang abogado, wala nagpreparar ang testigo sa mga pamangkot may kaangtanan sa iya testimoniya.
