Ginkawat ang painting nga ginhimo sang national artist nga si Fernando C. Amorsolo nga naka-display sa Hofileña Musuem sa Brgy 1, ciudad sang Silay, Negros Occidental.
Sa interview sang Bombo Radyo Bacolod kay Police Lt. Col. Mark Anthony Darroca, Chief of Police sang Silay City Police Station, may yara sang grupo nga nag-tour sa sulod sang museum kag nakita sa CCTV footage ang isa ka persona nga amo nga nagkuha sang painting.
Ginbutang sang suspek ang painting sa dala sini nga bag kag naggwa sa museum.
Suno kay Darroca, naka facemask ang suspek kag ini may kaupod nga duha tubtob tatlo ka iban pa.
Ila man gintsekyar ang mga pangalan nga ginbutang sa logged book apang sala nga personal information ang nabutang.
Sa karun padayon ang imbestigasyon sa posible nga ruta sang mga suspek samtang nagpanugyan naman si Darroca nga dapat hugton ang implementasyon sang security sa sulod sang museum.
