-- ADVERTISEMENT --
Nagpanindugan ang Pakistan nga padayon pa ang ila negosasyon sa tunga sang Estados Unidos kag Iran.
Ginpahayag ni Foreign Office spokesperson Tahir Andrabi nga nagalaum sila nga wala na sang magapamalabag sa negosasyon agud matapos na ang gyera.
Iya ini ginpahayag matapos ang pagpamahog ni US President Donald Trump sa Iran nga liwat ini nga bombahan ang pungsod.
Suno kay Andrabi, nagapati sila nga may pagsalig ang Iran sa Pakistan bilang neutral nga pungsod.
Madumduman nga ginpahanugutan sang Iran ang 20 ka barko sang Pakistan nga makalabay sa Strait of Hormuz bilang kabahin sang diplomatiko nga tikang agud mapadayon ang trading apisar may tensyon sa rehiyon.
-- ADVERTISEMENT --
