Gin-atake sang Pakistani fighter jets kahapon ang pila ka mga site nga ginapatihan hideout sang mga militante sa nasidlangan nga bahin sang Afghanistan.
Santo sa Pakistan, napatay nila ang 28 ka mga militante samtang nag-report naman ang Kabul nga may napatay nga tatlo ka sibilyan.
Ang nasambit nga opensiba sa border sang duha ka pungsod ang nagdugang pa sa tensyon nga mahimo magresulta sa pila pa ka pagbaylohanay sang pagpang-atake.
Ang mga strikes ang kasunod sang duha ka “deadly attacks” sang Afghanistan batok sa security forces sang Pakistan sang nakaligad nga adlaw.
Ginkumpirmar sang United Nations Mission in Afghanistan ukon UNAMA nga nautas ang kabuhi sang tatlo ka indibidwal kalakip ang isa ka bata nga babayi, samtang apat naman ang pilason sa nasambit nga fighter jets attack sa cross-border sa Afghanistan.
Santo sa UNAMA, nagdangat na sa 1,100 ka sibiliyan ang napatay sa konflikto sang duha ka pungsod.
