Nagtakop na kahapon ang Palarong Panlalawigan 2023 sang Department of Education diri sa probinsya sang Negros Occidental kun sa diin nakakuha sang tagsa ka mga medals kag awards ang mga participants gikan sa 10 ka area.
Sa Area 1 nga ginalakipan sang Escalante City, Calatrava kag Toboso, ila nakuha ang 21 ka gold , 19 ka silver kag 27 ka bronze medals; Area 2 sang Manapla, Cadiz City, Sagay City, 27 gold, 34 silver, 41 bronze medals; Area 3 EB Magalona kag Murcia, Silay, Talisay kag Victorias City, 20 gold, 29 silver, 37 bronze medals; Area 4 sa banwa sang Pulupandan, Pontevedra, Valladolid, San Enrique , kag Bago kag La Carlota City, 46 gold, 35 silver, 42 bronze medals; Area 5 sa banwa sang Binalbagan, Hinigaran, Moises Padilla, Isabela, La Castellana, kag Himamaylan City, 14 gold, 17 silver, 31 bronze medals; Area 6 sa banwa sang Candoni,.Cauayan, Hinobaan, Ilog kag Kabankalan kag Sipalay City, 11 giold, 21 silver, 29 bronze medal; Area 7 Bacolod City, 18 gold, 45 silver, 40 bronze medal; Area 8 Negros Occidental Private School Sports Cultural Educational Association (NOPSSCEA) , 95 gold, 60 silver, 41 bronze medal; Area 9 Negros Occidental High School, 15 gold, 7 silver, 18 bronze medals; kag Area 10 Association of Negros Occidental Private School and School Administrators Incorported, 1 gold kag 1 bronze medal.
May pinakamadamo nga nakuha nga medalya amo ang Area 8 ukon Negros Occidental Private School Sports Cultural Educational Association (NOPSSCEA) nga may kabug-usan nga 196 medals.
Ginbuksan sang Marso 30 ang Palarong Panlalawigan 2023 sa Panaad Park and Stadium kag kahapon ginpatigayon ang closing ceremony.
Sa kaangot nga balita, matapos ang closing ceremony kahapon sang Palarong Panlalawigan 2023, gin-engganyo ni Negros Occidental Governor Eugenio Jose “Bong” Lacson ang mga kabataan nga magtuon kag magpili sang sports nga ila naluyagan.
Sa interview sang Bombo Radyo kay Governor Lacson, makit-an nga may yara sang improvement sa Panaad Park and Stadium para sa ginpatigayon nga Palarong Panlalawigan.
Ginalauman sini sa masunod nga henerasyon nga may yara naman sang mga pamatan-on nga mangin olympic athlete.
Gina-ingganyo sang gobernador ang mga kabataan nga magsulod sa sports kag unahon gid ang pagtuon.
Ginpasalamatan man sini ang local government units nga nagtrabaho agud matigayon ang event kasubong nga ginpasalamatan sini ang suporta sang mga ginikanan sa ila nga mga kabataan nga nagpartisipar sa Palarong Panlalawigan.
