Liwat nga mapakigbahin sa Miss Universe Pageant ang Palestine matapos ang 74 ka tuig kag ang Dubai-based model nga si Nadeen Ayoub ang mangin tiglawas sa ila estado sa Miss Universe 2025.
Ginpahayag ni Ayoub sa iya Instagram sang Agosto 14 nga ginakabig niya nga dako nga responsibilidad ang papel sini bilang tiglawas sang Palestine.
Suno sa iya, luyag niya nga gamiton ang plataporma agud mapalab-ot ang mga istorya kag tingog sang mga kababainhan kag kabataan sa ila pungsod.
Si Ayoub ang una na nga nagpasakop sa Miss Earth 2022 kun sa diin ginkoronahan siya bilang Miss Earth – Water.
Magluwas sa pageantry, isa siya ka fitness coach kag founder sang Olive Green Academy, isa ka kompanya nga nagatutok sa sustainability kag artificial intelligence.
Ang Miss Universe 2025 hiwaton sa Nobyembre 21 sa Thailand. Samtang ang beterano nga kandidata nga si Ahtisa Manalo ang magatiglawas sa Pilipinas.
