Palibot sang Libertad Public Market, hawanan subong nga Hunyo

Ginalantaw sang Bacolod City government nga mahawanan na ang Libertad Public Market subong nga bulan sang Hunyo.

Suno kay City Legal Officer Atty. Romeo Carlos Ting Jr., liwat nga pagahatagan sang tsansa nga makagabot liwat sang pwesto ang mga vendors sa Libertad Public Market nga yara sa masterlist, una na nga nakagabot apang wala nagdaog pero qualified.

Suno kay Ting, dapat maghalin na ang mga yara sa dalan nakapwesto kag magsulod sa annex building.

Ginalauman sini nga sa katapusan sang bulan, makapasulod na sila sang mga vendors sa nasambit nga building.

Samtang, sa mga ini naman makakuha sang pwesto sa sulod, sarang sila nga makapwesto sa night market nga magasugod alas-6:00 sa gab-i tubtob alas-6:00 sa aga.