Ginbawi ni US President Donald Trump ang plano nga pag-atake sa mga planta sang kuryente sa Iran matapos ang ginpahayag nga produktibo nga pag-istoryahanay sang duha ka pungsod.
Suno kay Trump, may yara sang negosasyon ang US kag Iran para sa kompleto kag bug-os nga pagsolbar sang kinagamo sa Middle East.
Bangud sini, wala sini gindayoun ang 48-oras nga deadline nga ginpahamtang sang Sabado, kun sa diin nagbanta siya nga bombahan ang mga pasilidad sang Iran kun indi mabuksan liwat ang Strait of Hormuz.
Bilang epekto sang gin-anunsyo, gilayon nga nagpanaog ang presyo sang produktong petrolyo sa global market.
Antes sini, nag-istoryahanay man si Trump kag UK Prime Minister Keir Starmer, kun diin nagapati sila nga importante ang liwat nga pagbukas sang strait agud mabalik sa normal ang global shipping.
